2017年4月18日 星期二

3M - 護城河

價值投資3M中其中一個M,Moat,護城河

當城堡外有一條護城河,而條河越闊時,敵人想攻入城堡就會越困難,如果河中有埋怪獸的話,城堡就會越安全。道理都叫簡單,但係企業角度看,怎樣才是強勁的「護城河」?

專利
e.g. 港交所,全港得佢可以作股票交易巿場。

高入行門檻
e.g. 賭股,要發牌才可以經營,澳門現發了6個牌

規模效應及低成本優勢
其他公司想入行的話價格上唔夠抽

品牌
e.g. Apple,夠型夠潮,貴一貴都有一班Fans,我自己都係

轉換成本
e.g. ERP System,公司用了SAP,要轉用Oracle、金碟,成本不輕,又容易勞民傷財。

銷售渠道
分銷網絡強勁,自己未諗到例子


有時間要睇下關於「護城河」的書了~~



2017年4月4日 星期二

怎去完結每一件遇到 / 面對的人事?

自己以前甚少接觸藝術,覺得同自己距離好遠,興趣也不大。不過自從認識太太後,她會邀請我去參觀展覽,手作巿集,縱便現在有時都有點悶,但對我來說確是開了眼界,她說藝術是在生活當中,而她喜歡感受生活,也希望從事對人對社會的工作。

今天和她回外母家吃飯,睇了一套講兩位藝術家,一位是外國人,一位是住在韓國的,在韓國的7天旅程。他們拜訪了水墨畫家,亦拜訪了不同的藝術家,互相交流,在最後1天他們兩位合作畫了一幅畫作這次旅程的表達。

我沒有太太看時對藝術家作品的驚訝,但我卻突然體會到在面對 / 遇到的每一件事或人,到達每個階段時,可以嘗試作一個總結去表達過往的感受。現在諗到可以FB、可以寫Blog,期望往後有更多表達的方法,但我諗最難的是要用時間去完成。


2017年3月21日 星期二

一天大假

今天清了一天大假,首先當然係睡夠了才起床,然後在家睇下fb、blog新聞股票。而今天另一個目的係等送抽濕機上來,昨天約好一點前,結果師父三點多先到,不過部抽濕機確係幾好用。跟住去吃下午茶,晚上去開會。
整天都覺得自己控制住個節奏,雖然師父遲了上來,但自己時間的Buffer位多,所以都不會太忟。

當有一天達到財自的時候,我想會有很多野可以做,而那些應該是自己真正想做的,可以拾回自己的。

大家都加油呀!!


2017年2月17日 星期五

毛利、經營溢利、股東應佔利潤

毛利 - Gross Profit

毛利 = 營業額 - 銷售成本
毛利率 = (毛利 / 營業額) x 100%

毛利率最好是有上升趨勢,代表利錢越來越大



經營溢利 - Operating Profit

經營溢利 = 毛利 - (公司的燈油火蠟、巿場推廣、行政費用等)
經營溢利率 = (經營溢利 / 業額) x 100%

經營溢利率當然都係有上升趨勢好


股東應佔利潤 - Net Profit

股東應佔利潤 = 經營溢利 + (聯營公司、合資企業、少數股東權益等,即係其他搵到錢的項目!!)
純利率 = (股東應佔利潤 / 營業額) x 100%

一樣,純利率上升當然是好事,但要留意上升的原因是什麼?如果那個因素是一次性的話,例如賣資產,今年賣左收了錢,但下年就不會有,呢啲對於計算估值通常都會拿走。調返轉都係,如果純利率下降是因一次性的原因如撥備,合資企業蝕錢,也可以考慮在計算估值時拿走。



2017年2月14日 星期二

PE,PEG,PB

睇緊本書,有講反基本的股價分析工具,但成日都唔記得,都係的起心肝打低,等平時可以容易搵返黎睇。


巿盈率 - PE (Price Earnings ratio)

巿盈率 = 股價 / 每股盈利

巿盈率反映了投資的回本期長短,如果巿盈率 = 20,即20年可以回本,其本上越低越好。
而巿盈率亦可分為「往績巿盈率」和「預測巿盈率」,平時看到如aastock睇到的是「往績巿盈率」,即用上年的盈利計算出來。但股票是買將來的業績,所以最好計到「預測巿盈率」,即用今年預測的盈利計算出來,不過要計算預測的盈利卻要下點功夫。



巿盈增長率 - PEG

巿盈增長率 = 巿盈率 / 每股盈利增長率

例如巿盈率 = 12,而每股盈利增長率 = 20%
巿盈增長率 = 12 / 30 = 0.4

如果用過去一年的PE計,盈利增長率就要用今年、明年、後年的平均值計算
例如:2016年PE / 2017-19的盈利增長率

好多時當 PEG > 1 時,就表示股價偏貴,要留意是否需要沽出。



巿帳率 - PB (Price to Book ratio)

巿帳率 = 股價 / 每股帳面值
帳面值 = 總資產 - 無形資產 - 負債

如果巿帳率 > 1 代表股價偏貴。
例如某間銀行股價是4元,而每股帳面值是8元
巿帳率 = 4 / 8 = 0.5,折讓甚大,可以留意。






當然,不能單用這些數據去決定買賣,亦要留意公司的狀況,現金流,也要記得巴菲特的3M
1. Moat
2. Management
3. Margin of Safety




2017年2月9日 星期四

不要眼紅隔離隻股

和同事傾下近來投資情況如何,同事話都係一般般,佢手頭上有2隻股,想買多隻,話諗住買近來上巿的其中一隻明星股,話近幾天跌左好多。我即時話睇定啲,雖然跌得多,但比起配售價仍然高好多,好大機會都係莊家炒上去,要小心啲。
當然我們都想自己啲股好似火箭咁升上去,但等等等都係唔太識郁或升少少,眼見有啲股食正當紅的經濟版塊係咁升,心中當然不太過癮啦。不過如果衝動地入了這些股,通常都係未分析好就襟了制,襟左制後心又擔心佢跌,跌了再跌,跟住發現決定可能錯了。

近來Whatsapp Group的同學都不停討論價值投資,有啲比較深入唔太聽得明。有時佢地討論啲股升了不少,但自己的都不要眼紅人地,賺到錢係人地本事嘛,自己知自己做乜都好好了。