2017年2月17日 星期五

毛利、經營溢利、股東應佔利潤

毛利 - Gross Profit

毛利 = 營業額 - 銷售成本
毛利率 = (毛利 / 營業額) x 100%

毛利率最好是有上升趨勢,代表利錢越來越大



經營溢利 - Operating Profit

經營溢利 = 毛利 - (公司的燈油火蠟、巿場推廣、行政費用等)
經營溢利率 = (經營溢利 / 業額) x 100%

經營溢利率當然都係有上升趨勢好


股東應佔利潤 - Net Profit

股東應佔利潤 = 經營溢利 + (聯營公司、合資企業、少數股東權益等,即係其他搵到錢的項目!!)
純利率 = (股東應佔利潤 / 營業額) x 100%

一樣,純利率上升當然是好事,但要留意上升的原因是什麼?如果那個因素是一次性的話,例如賣資產,今年賣左收了錢,但下年就不會有,呢啲對於計算估值通常都會拿走。調返轉都係,如果純利率下降是因一次性的原因如撥備,合資企業蝕錢,也可以考慮在計算估值時拿走。



2017年2月14日 星期二

PE,PEG,PB

睇緊本書,有講反基本的股價分析工具,但成日都唔記得,都係的起心肝打低,等平時可以容易搵返黎睇。


巿盈率 - PE (Price Earnings ratio)

巿盈率 = 股價 / 每股盈利

巿盈率反映了投資的回本期長短,如果巿盈率 = 20,即20年可以回本,其本上越低越好。
而巿盈率亦可分為「往績巿盈率」和「預測巿盈率」,平時看到如aastock睇到的是「往績巿盈率」,即用上年的盈利計算出來。但股票是買將來的業績,所以最好計到「預測巿盈率」,即用今年預測的盈利計算出來,不過要計算預測的盈利卻要下點功夫。



巿盈增長率 - PEG

巿盈增長率 = 巿盈率 / 每股盈利增長率

例如巿盈率 = 12,而每股盈利增長率 = 20%
巿盈增長率 = 12 / 30 = 0.4

如果用過去一年的PE計,盈利增長率就要用今年、明年、後年的平均值計算
例如:2016年PE / 2017-19的盈利增長率

好多時當 PEG > 1 時,就表示股價偏貴,要留意是否需要沽出。



巿帳率 - PB (Price to Book ratio)

巿帳率 = 股價 / 每股帳面值
帳面值 = 總資產 - 無形資產 - 負債

如果巿帳率 > 1 代表股價偏貴。
例如某間銀行股價是4元,而每股帳面值是8元
巿帳率 = 4 / 8 = 0.5,折讓甚大,可以留意。






當然,不能單用這些數據去決定買賣,亦要留意公司的狀況,現金流,也要記得巴菲特的3M
1. Moat
2. Management
3. Margin of Safety




2017年2月9日 星期四

不要眼紅隔離隻股

和同事傾下近來投資情況如何,同事話都係一般般,佢手頭上有2隻股,想買多隻,話諗住買近來上巿的其中一隻明星股,話近幾天跌左好多。我即時話睇定啲,雖然跌得多,但比起配售價仍然高好多,好大機會都係莊家炒上去,要小心啲。
當然我們都想自己啲股好似火箭咁升上去,但等等等都係唔太識郁或升少少,眼見有啲股食正當紅的經濟版塊係咁升,心中當然不太過癮啦。不過如果衝動地入了這些股,通常都係未分析好就襟了制,襟左制後心又擔心佢跌,跌了再跌,跟住發現決定可能錯了。

近來Whatsapp Group的同學都不停討論價值投資,有啲比較深入唔太聽得明。有時佢地討論啲股升了不少,但自己的都不要眼紅人地,賺到錢係人地本事嘛,自己知自己做乜都好好了。


2017年1月29日 星期日

iMoney風水師講股票

16年年中訂了iMoney一年,覺得內容不錯,又有睇開的Blogger分享投資經驗。
或者之前沒有追看,未必是新鮮事,但近來請來風水師預測股巿行情,對我來說是比較反感的,股票是反映經濟前景和公司未來業績,亦包括突發的乜天鵝事件,但點解關風水事?同財演一樣,預測到的話佢地有無大手買入先?風水師或會講「不能替自己扑卦」帶定頭盔。


2017年1月20日 星期五

睇書 - 財務自由速成法

因為很多Blogger都推介這本書,有次係書局見到,也忍不住買了。
對比起止凡、鍾記的書,呢本書貴啲(168元, 但書局有8折),雖然仍然買左,但都係唔知點解要貴啲。。。或者係想賺多啲,又或者係想真係有心睇的想睇的才去買吧。

兩天就睇完1次,今次睇完覺得本書的重點係要做生意創業,努力去賺第一桶金。
而書中有一個Point都幾難忘,「複利真的可以使你致富?」

案例一
首年存款: $0
年利率: 5%
每年儲蓄: $20,000
30年後結餘: $1,328,777
30年後年利息: $66,439

案例二
首年存款: $1,000,000
年利率: 5%
每年儲蓄: $0
30年後結餘: $4,321,942
30年後年利息: $216,097

如果一開始個本夠大的話,每個月都唔儲錢,到30年後都有廿幾萬被動收入。假如不思進取,但一開始時把家人俾佢的一大舊錢(如1千萬)穏定投資,根本唔使去返工甚至唔讀書做都可以生活,不過如果唔返工唔讀書,啲錢可能好快使突或被人騙哂。
要有舊本,憑打工儲錢不能太快,唯有做生意先有大啲機會用比較短的時間賺到第一桶金。

如諗到一盤生意idea,亦有發展空間的話,都會試下。