2016年8月17日 星期三

神秘電影院【分手時光】

跟女朋友同埋另外2個朋友參加了神秘電影院【分手時光】,地點在香港大學,直到開場時才知道會播什麼電影,都幾特別。而開場前團體準備了一些攤位俾觀眾參與,當中有個攤位係回憶返前度,再係Board上拿下一張Memo紙,寫低感受,放入大會準備好的箱裏(撕爛張Memo紙再放入都可以)。而另一個則用紙畫上前度的圖案和寫上對佢講的說話,畫完後俾負責人貼堂,睇到其他人的表逹都幾特別,多是生活點滴,但印象中沒有會表遠對前度的不滿和咒罵。

終於開場了,原來係播「玻璃之城」,記得好多年前睇過一次,但今次睇的感覺唔同左,尤其播到學校的情節加上歌曲時,感到有種張力,或者自己懷勉緊以前讀書既時候,盡力去拼博做自己覺得對的事。

睇完後大會提供了碎紙機俾參加人士把之前畫的前度碎上。


2016年8月6日 星期六

準備進入另一階段「八」

和女朋友去做婚前檢查,選擇了公營診所,去到時個套餐男女各700至800元,如要驗埋地中海的話,每人另加450元左右。初頭諗住都要加吧,點知到見醫生時,醫生話做完套餐檢查,到下星期睇報告時,如啲血有異樣先再做埋地中海。其實見醫生前,心裏預左都要俾埋,或者因為係檢查身體,容易被說服到。

諗起如果係私人機構,佢地雖不致於話一定要做,但未必會反建議出了報告後先諗去做。


2016年8月1日 星期一

Pokemon GO

近來最熱門既手機遊戲非Pokemon GO莫屬啦,在自己印象中數到的手機熱門遊戲,即時會諗到Angry Bird,PAD,Candy Crash,之後就到這個了。

呢個遊戲應該會繼續發展落去和Upgrade,應該有一天會有世界賽和直播吧。很欣賞手機遊戲發展到這種程度(朋友說以前有類似遊戲,但Pokemon勝在多人認識和怪獸多),全世界都在討論這個遊戲。在朋友堆中,很多朋友都會和仔女一起玩,近來在Whatsapp Group裏都聽到佢地準備和仔女去公園、海濱捉精靈,不錯的家庭活動。

而自己近1年多都會放時間和精力去學習理財,權衡之下選擇不玩了。但都留意下個遊戲會點發展落去,聽下朋友講,睇下同事玩。