2016年9月12日 星期一

MPF指示要時間

今日個巿跌左800點,中午時諗住再Rebalance個MPF,點知唔俾。。。打電話去問原來上星期五的指示確是用了上星期五的格價轉換(不是每間都係架,永明是即日,東亞是第二天,真係好想公司唔用東亞),但完成個指示要三天時間,所以要到星期三先可以再作轉換。

唉。。。坐以待斃,咁即係遇上大時代時,今天升1000點,明天跌700點,後天再升1000點,就眼白白不能按紀律咁食到個波幅。。。


2016年9月9日 星期五

MPF升返上水面了

近幾個月的反覆升浪,Rebalance了MPF幾次,今天睇返MPF組合終於升返上水面啦,而今天到24000點也Rebalance咗。計劃個巿繼續升的話,當升到25000點時應會Rebalance成 指數基金:保守基金 = 70:30 或 65:35。

記得開始認真把MPF重整是上年大時代由28000下跌到26000的時候,但當時是把所有MPF戶口整合後再100%投資香港股票基金,結果當時就係咁不停跌跌跌。。。
後來看到一本書介紹把資產按比例分佈,再定期Rebalance個組,那時開始自己就把MPF這樣看待,股巿大約升跌500點左右就Rebalance一次。現在去返24000點左右就上返水面,自己覺得這個方法是可行的,所以會繼續堅持,當然如果個巿係咁升上去會賺少啲,但都係Blogger嗰句「估到個巿就掃期指啦」,個巿反反覆覆更加好,哈哈。

個巿升緊,但和上年不同的是,身邊談論股票的人不多,而很多有上一年或過往股災經驗的人,現在都不會放盡咁去投資股 票。


2016年9月6日 星期二

準備進入另一階段「九」

近兩個星期的主要節目就係同女朋友去睇租盤,我們目標是150-200尺的套房,睇了幾間後發覺不是咁易搵到。有些不太合心水要諗下的,第二天就俾人租左,真係搶手到爆!
其中有一間真係嘆為觀止,間房100尺左右,舉手可以掂到天花板,但最妙就係個廚房係出了門口隔離另一間房。。。而個地產經紀仲笑笑口話係獨立廚房。。。原來可以去到咁盡。

朋友聽我話去睇租盤,都會問租幾大呀,我話百多尺啦,佢地都有點驚呀。其實我同女朋友都想俾了租金後,仍然可以儲到啲錢,所以定了期望租金約在六千蚊左右,再把剩下來的儲起來用作備用和投資。

希望九月內可以扑鎚。